يئني قاپی ديل-دوشونج
Yazını bu əlifbada oxuyun: TÜRKCƏ
تورکجه‌ده ایسناد فئعلی‌نین ضییالی‌لارـ‌آرا گرگین‌لیگی؟
(کومپلئکس‌لیک‌لر ۸-ده، فرانسیز دیلی‌نین قایدالاریندان تورکجه‌ده تاپیلمیش بیر گرگین‌لیگی آچیقلادیق. ایندیسه، عربجه‌دن گتیریلمیش بیر گرگین‌لیگه باخیریق!)
آشاغیداکی اؤرنک أن بسیط ساییلان بیر میثال دیر [تورکیه ایستانداردیندا]:
بو کیتاب!
بو بیر کیتاب!
گؤروندوگو کیمی، بو جومله‌لرده، ایسناد فئعلی یوخ دیر.
بئله‌جه قاباریق بیر فورمادا ایسناد فئعلی‌نین حذف ائدیلمه‌سی‌نین گؤزه‌سی آنجاق عربجه‌نی اساس سانماقدان دیر.
آشاغیداکی عربجه‌نین جومله‌لرینه دیقّت ائدک:
هذا کتاب!
هذا کتابٌ [هذا کتابون]!
«هذا»ـ‌‌نین معناسی «بو» دیر. (آنجاق ایکی هئجالی اولدوغونا گؤره، اصلیندن کمپلئکس معنا داشیدیغی احتمال بحث اولونمالی دیر. اونا گؤره ده، یالنیز ظاهیرده، اوندا ایسنادی‌لیک یوخ دیر.)
بو جومله‌لر دیلیمیزین دوغال قایداسیندا بئله اولمالی دیرلار:
بو کیتاب دیر!
بو بیر کیتاب دیر!
سؤز بوراسندا دیر کی، عربجه‌یه اساسلاناراق دیلیمیزین ایسناد فئعلی گرگین بیر دورومدا قالیبدیر.
گله‌جکده، داها دا ایسناد فئعلی‌نین گرگین‌لیک‌لره سالیندیسیندان دانیشیلاجاقدیر.
