دیلده دئیـَر‌لیکدن ائدر‌لیگه (۲)

Yazını bu əlifbada oxuyun: TÜRKCƏ

دیلده إتگین‌لیک (۲)

دیلده دئیـَر‌لیکدن ائدر‌لیگه (۲)

إتگین‌لیک: functionality

 

دیلین گلیشمه‌سینده، إتگین‌لیک (ائتگین‌لیک) چوخ اؤزل بیر پروسئس ساییلا بیلر.

دئمک، بو پروسئسده، دیل،«نه دئمک» پیلله‌سیندن «نه إتمک» پیلله‌سینه قالخیر! بئله‌لیک‌له ده، اؤز إتگین‌لیگیندن یئتگین‌لنیر!

بیرینجی درس‌لیگین تاپشیریغی‌نین جواب‌لارینی آشاغیداکی کیمی اوخویوروق:

 

قیز: مننن دوستوم تزه‌لیکده بو دامداشا گلمیشیک. آپارتمان

3Fـ‌ده‌ییک.

 

(بیرینجی پیلله!)

قیز نه دئییر؟

۱. قیز دئییر: «من’نن دوستوم تزه‌لیکده بو دامداشا گلمیشیک. آپارتمان

3Fـ‌ده‌ییک.»

۲.«من’نن دوستوم،» دئییرقیز، «تزه‌لیکده بو دامداشا گلمیشیک. آپارتمان

3Fـ‌ده‌ییک.»

 

(ایکینجی پیلله!)

قیز نه ائدیر؟

۱. قیز، دوستو’یلا بیر،تزه‌لیکده او دامداشا گلدیک‌لرینی اوغلانا سؤیله‌ییر.

سونرا، آپارتمان  3Fـ‌ده اولدوقلارینی بیلدیریر.

۲. قیز، دوستو’یلا بیر، تزه‌لیکده او دامداشا گلدیک‌لرینی اوغلانا سؤیله‌‌یه‌رک

آپارتمان3Fـ‌ده اولدوقلارینی بیلدیریر.

 

ایکینجی پیلله‌ده ألده اولونان إتگین‌لیک فئعل‌لر:

۱. [سؤیله‌مک] . . . اوغلانا سؤیله‌ییر/سؤیلویور.

۲. [بیلدیر‌مک] . . . اولدوقلارینی بیلدیریر.

 

(اوچونجو پیلله!)

سیزجه، بئله دئمک‌له قیزین سؤزلرینده نه‌کیمی بیر آنلام وار دیر؟ (اونون نه

إتدیگینی اؤز ذئهنیمیزجه یوروروق!)

منجه، دوستو’یلا بیر، تزه‌لیکده او دامداشا گلدیک‌لرینی، ائله‌جه ده، آپارتمان

3Fـ‌ده اولدوقلارینی اوغلانا سؤیله‌مک’‌له، قیز،قونشولوقدا سایغیلی بیر

ایلگی یاراتماغا چالیشیر.

 

اوچونجو پیلله‌ده ألده اولونان قورولوش پارچالارینا باخاق:

۱. منجه، (بو پیلله‌ده دئییلن، فاکت اولان بیر مطلب دئییل.

اونا گؤره ده، بئله بیر قورولوشون گلمه‌سی لازیم دیر!)

۲. دوستو’یلا بیر، تزه‌لیکده او دامداشا گلدیک‌لرینی،

ائله‌جه ده، آپارتمان 3Fـ‌ده اولدوقلارینی،

۳. اوغلانا سؤیله‌مک’‌له،

۴. قیز، قونشولوقدا سایغیلی بیر ایلگی یاراتماغا

چالیشیر.(اساس إتگین فئعل آنجاق بیزیم نظریمیزجه)

گله‌جکده، داها دا بو قورولوش‌لارلا تانیش اولاجاغیق!

 

سونوج:

پیلله ۱ـ‌ده، دئییلمکدن یارانان قورولوش‌لاری گؤردوک!

پیلله ۲ـ‌ده، إدیلمکدن یارانان قورولوش‌لاری گؤردوک!

پیلله ۳ـ‌ده، اؤز یوروموموزدان تؤرنمیش قورولوش پارچالارینی بوروشوقلو بیر

قورولوش سیستئمینه دوزه بیلدیک!

 

تاپشیریق!

ایندی‌سه، سیز اوستده‌کی اؤرنه‌گی نظره آلدیقدا،

آشاغیداکی دانیشیغی اوچ پیلله‌ده یازین:

 

 

اوغلان: خوش گلمیسیز!

 

(بیرینجی پیلله!)

اوغلان نه دئییر؟

۱. ………….. (سیز یازین!)

۲. ………….. (سیز یازین!)

 

(ایکینجی پیلله!)

اوغلان نه ائدیر؟

۱. ………….. (سیز یازین!)

۲. ………….. (سیز یازین!)

 

(اوچونجو پیلله!)

(بو تاپشیریغین جومله‌سینده یوروملاما اوچون بیرزاد یوخ دیر! اونا گؤره، اوچونجو

پیلله ایشلنمه‌لی دئییل!)

یازار / YAZAR: ayhan

بو یازینی دا اوخویون/ BU YAZINIDA OXUYUN

DildeEtginlik-yeniqapi

دیلده دئیـَر‌لیکدن ائدر‌لیگه (۱)

Yazını bu əlifbada oxuyun: TÜRKCƏ دیلده دئیـَر‌لیکدن ائدر‌لیگه (۱) إتگین‌لیک: functionality   دیلین گلیشمه‌سینده، إتگین‌لیک …

Leave a Reply

Your email address will not be published. Required fields are marked *


فلزیاب