يئني قاپی ديل-دوشونج
Yazını bu əlifbada oxuyun: TÜRKCƏ
کومپلئکس‌لیک‌لر(۱۴)
«یورماق» و «یوزماق»
تورکیه’ده «یورماق» آما آذربایجان جومهوریتی’نده «یوزماق» ایشله‌نیر!
بونلارین ایکیسی ده دوز دیرلر. «یورماق» تعبیر إتمک دئمک دیر «یوزماق»
آنجاق جایقین یورماق دیر. (انحرافی تعبیر إتمک!)
یورماق: تعبیر و تفسیر إتمک
یوخونو یورارلار.
اؤرنک جومله‌لر:
سن منیم یوخولاریمی گؤزل یورورسان!
او آدامین بو گون‌لرده‌کی ایشینی سن نه‌یه یورورسان؟
یوزماق: نیّت‌لی، مئیلم‌لی تعبیر و تفسیر إتمک
اؤرنک جومله:
سن یوخونو یورماق یئرینه یوزورسان!
«یوزماق» گؤزه‌سیندن «یوزدورماق» فعلی ده تؤره‌نیبدیر.
یوزدورماق: بیرینی اؤز مسیریندن، اؤز فیکری‌نین مسیریندن جایدیرماق
اؤرنک جومله‌لر:
اؤز یولومو گئدیردیم آنجاق سن منی یوزدوردون!
دانیشیق شیوه‌میز اؤز یئرـ‌یاتاغیندا ایدی آنجاق سیز اؤز یوزوم‌لارینیز‘لا
بیزلری یوزدوردونوز!
ناصر منظوری
