يئني قاپی ديل-دوشونج
Yazını bu əlifbada oxuyun: TÜRKCƏ
دیلده دئیـَر‌لیکدن ائدر‌لیگه (۱)
إتگین‌لیک: functionality
دیلین گلیشمه‌سینده، إتگین‌لیک (ائتگین‌لیک) چوخ اؤزل بیر پروسئس ساییلا بیلر.
دئمک، بو پروسئسده، دیل «نه دئمک» پیلله‌سیندن «نه إتمک» پیلله‌سینه قالخیر! بئله‌لیک‌له ده، اؤز إتگین‌لیگیندن یئتگین‌لنیر!
بیز، بورادا، بو پیلله یوکسه‌لیشینی أن ساده بیر یول‌لا آچیقلایاجاغیق!
اؤرنک:
(بیر فیلمین باشلانان صحنه‌سی)بیر دامداشدا بیر قیز بیر آپارتمانین زنگینی باسیر. اؤیرنجی بیر اوغلان قاپینی آچیر.
قیز: سلام، باغیشلایین سیزی اینجیدیرمسه!
(بیرینجی پیلله!)
قیز نه دئییر؟
۱. (ساده فورما)
قیز دئییر: «سلام، باغیشلایین سیزی اینجیدیرمسه!»
۲. (تکنیک‌لی فورما)
«سلام،» دئییر قیز، «باغیشلایین سیزی اینجیدیرمسه!»
(ایکینجی پیلله!)
قیز نه ائدیر؟
۱. قیز اوغلانی سلاملاییر؛ سونرا، اوندان، بیله‌سینی اینجیتمه‌گینه گؤره، عوذر ایسته‌ییر.
۲. قیز اوغلانی سلاملادیقدا، اوندان، بیله‌سینی اینجیتمه‌گینه گؤره، عوذر ایسته‌ییر.
إتگین‌لیک فئعل‌لری:(هربیر نه إدیلدی‌نین بیر آدی وار دیر!)
۱. سلاملاماق
۲. عوذر ایسته‌مک
سونوج:
پیلله ۱ـ‌ده، دئییلمکدن یارانان قورولوش‌لاری گؤردوک!
پیلله ۲ـ‌ده، إدیلمکدن یارانان قورولوش‌لاری گؤردوک!
پیلله ۳ـ‌ده، (گله‌جکده بو پیلله‌نین قورولوش‌لاری دا وئریله‌جکدیر!)
| ایندی‌سه، سیز بو اوسته‌ده‌کی اؤرنه‌گی نظره آلدیقدا، آشاغیداکی دانیشیغی ایکی پیلله‌ده چئویریب یازین: |
قیز: من’نن دوستوم تزه‌لیکده بو دامداشا گلمیشیک. آپارتمان 3Fـ‌ده‌ییک.
(بیرینجی پیلله!)
قیز نه دئییر؟
۱. ………….. (سیز یازین!)
۲. ………….. (سیز یازین!)
(ایکینجی پیلله!)
قیز نه ائدیر؟
۱. ………….. (سیز یازین!)
۲. ………….. (سیز یازین!)
