يئني قاپی ديل-دوشونج
Yazını bu əlifbada oxuyun: TÜRKCƏ
دیلیمیزده تؤرهدیلمیش کومپلئکسلیکلر (مفهوم گرگینلیگی)
دیلیمیز بؤیوک بیر دیل دیر. بو دیلی مینلر ایل دیر خالق قورویوب، بئجردهرک بو بویا چاتدیریبدیر؛ آنجاق بؤووردن چیخان کومپلئکسلیکلر بو دیلی گرگین بیر حالا سالماقدا دیر. آشاغیداکی بونلارین بیری دیر. (بو مفهوم کومپلئکسلیگینی ضیالیلار تزهجه دیله یوکلهییبلر) آشاغیداکینی بیر کیشی دئییر:
[من ۱۹۷۰-ده دوغدوم!]
باخین، بو جوملهده ایشلنمیش فعلده («دوغماق» فعلینده) کومپلئکسلیک وار دیر.
«دوغماق» دیشی و آرواد ایشی دیر!
«دوغماق» کیشی و إرکک ایشی دئییل!
دیلیمزده بئلهجه گرگینلیک گتیرن فعل آنلامینداکی کومپلئکسلیک اورادان یارانیر کی، «دوغماق» فعلینی لازیم بیر فعل آنلاییرلار. بو گرگینلیکدن چیخماق اوچون، آشاغیداکی ایکی نؤکته نظره آلینمالی دیر:
۱. «دوغماق» فعلی یالنیز و یالنیز «گونش» و «آی»ـدا لازیم فعل کیمی ایشلنه بیلر. (یانی یالنیز «گونش» و «آی» اؤزو دوغار!)
۲. «دوغماق» فعلی انسان و باشقا جانلیلاردا متعدی بیر فعل دیر! (یانی، دیشی بیر مؤوجود بیر بالانی دوغار [متعدی و معلوم بیر فعل کیمی]! بالا دا دیشی بیر آنادان دوغولار [متعدی و مجهول بیر فعل کیمی])
ناصر منظوری
